Կատալոգ և ապրանքների քարտեր
Բաժիններ, ֆիլտրեր և ապրանքների էջեր, որոնք հարմար է կարդալ նաև հեռախոսով։
Cookie-ներ այս կայքում
Կայքն ինքը պահում է միայն անհրաժեշտը՝ ձեր թեման, անիմացիայի կարգավորումը և այս ընտրությունը։ Վերլուծությունը, մարկետինգը և արտաքին ծառայությունները միանում են միայն ձեր համաձայնությամբ։ Կարծիքը կարող եք փոխել ցանկացած պահի։ Ավելին cookie-ների մասին
Առցանց խանութ՝ կատալոգով, զամբյուղով, առցանց վճարմամբ և առաքմամբ։ 500 000 ֏-ից, ժամկետը՝ 6–12 շաբաթ՝ կախված ապրանքների քանակից և վճարման եղանակներից։ Դրամով նախահաշիվն ուղարկում ենք մինչև վճարելը։
Բաժիններ, ֆիլտրեր և ապրանքների էջեր, որոնք հարմար է կարդալ նաև հեռախոսով։
Պատվերի ձևակերպում, որը գնորդը կատարում է առանց գրանցման և ավելորդ դաշտերի։
Վճարման միացված եղանակներ և առաքման հաշվարկ՝ ստուգված թեստային պատվերներով։
Ձեր գնացուցակի կամ աղյուսակի տեղափոխում կատալոգ, որպեսզի ամեն ինչ ձեռքով չմուտքագրեք։
Կոդ, մուտքի տվյալներ և կարճ ուղեցույց, թե ինչպես ապրանք ավելացնել ու պատվեր ընդունել։
Պարզում ենք՝ քանի ապրանք ունեք և ինչպես են վճարում ձեր գնորդները, ու դա ներառում ենք նախահաշվում։
Մշակում ենք գլխավոր էջը, բաժնի էջը, ապրանքի քարտը և պատվերի ձևակերպման էջը։
Հավաքում ենք խանութը, բեռնում ապրանքները, միացնում վճարումը և կատարում թեստային պատվերներ։
Հրապարակում ենք խանութը, ցույց ենք տալիս, թե ինչպես ընդունել պատվերները, և փոխանցում մուտքի տվյալները։
Խանութն անհրաժեշտ է, եթե գնորդն ինքն է ընտրում ապրանքները, ավելացնում զամբյուղ և վճարում կայքում։ Եթե ծառայություններ եք մատուցում և գինը քննարկում եք անձամբ, բավական է ընկերության կայքը՝ 350 000 ֏-ից։ Եթե ունեք հինգ ապրանք և պատվերներն ընդունում եք հեռախոսով, կարելի է սկսել լենդինգ էջից։
Երբեմն խանութը սկսում են փոքրից․ փոքր կատալոգ, վճարման մեկ եղանակ և առաքում Երևանում։ Մնացածն ավելացնում են հետո, երբ պարզ է դառնում, թե ինչ են գնում։
Գնորդը ճանապարհ է անցնում կատալոգից մինչև պատվերի ձևակերպում, և ամեն քայլին պետք է պարզ լինի, թե ինչ անել հետո։
Ամենից հաճախ ընտրում են քարտով և Idram-ով կամ Telcell-ով վճարումը։ ArCa, Visa և Mastercard քարտերը միացվում են բանկի հետ պայմանագրով, որը կնքում եք դուք։ Idram-ն ու Telcell-ը միացվում են հենց ծառայությանը հայտ ուղարկելով։ Մենք ընտրված եղանակն ինտեգրում ենք կայքում և ստուգում վճարումը՝ զամբյուղից մինչև հաստատում։
Սկսում ենք այն եղանակից, որով վճարում է ձեր գնորդների մեծ մասը։ Յուրաքանչյուր հաջորդ եղանակ առանձին լրամշակում է և նշված է նախահաշվում։
Բազային կազմով խանութն արժե 500 000 ֏-ից, իսկ ժամկետը 6–12 շաբաթ է։ Ժամկետի վրա ամենից շատ ազդում են ապրանքների քանակն ու դրանց ավելացումը, վճարման եղանակները, առաքումը և լեզուների թիվը։ Երեք լեզվով խանութը յուրաքանչյուր լեզվի համար պահանջում է ապրանքների առանձին նկարագրություններ։
Մենք աշխատանքի ծավալը գրավոր ամրագրում ենք մինչև սկսելը, իսկ վճարումն արվում է փուլերով՝ յուրաքանչյուրն ընդունված աշխատանքից հետո։
500 000 ֏-ից։ Սա խանութի բազային տարբերակն է՝ կատալոգով, զամբյուղով և վճարմամբ։ Ապրանքների քանակը, վճարման եղանակներն ու լեզուներն ազդում են վերջնական արժեքի վրա, որն ամրագրվում է նախահաշվում մինչև աշխատանքը սկսելը։
Խանութը շատ բաղադրիչներ ունի․ կատալոգ, ապրանքի քարտեր, զամբյուղ, վճարում, առաքում։ Յուրաքանչյուրը պետք է հավաքել և ստուգել պատվերներով։ Բանկի և ծառայությունների միացումը նույնպես ժամանակ է պահանջում ու կախված է նրանց ժամկետներից։
ArCa, Visa և Mastercard քարտեր՝ բանկի հետ պայմանագրով, և Idram ու Telcell դրամապանակներ՝ ծառայությանը հայտ ներկայացնելով։ Թե դրանցից որոնք են ձեզ պետք, որոշում ենք բրիֆի ժամանակ։
Այո՛։ Եթե ունեք գնացուցակ կամ աղյուսակ, մենք այն տեղափոխում ենք կատալոգ, ոչ թե ապրանքները մեկ առ մեկ մուտքագրում։ Այդ աշխատանքի ծավալը նշում ենք նախահաշվում։
Ավելի շուտ՝ ոչ։ Փոքր տեսականու համար բավական է պատվերի ձևաթղթով լենդինգ էջը՝ 200 000 ֏-ից։ Առցանց խանութն իմաստ ունի, երբ ապրանքները շատ են, և գնորդն ինքն է ընտրում։
Դուք՝ խանութի կառավարման վահանակով․ մենք ցույց կտանք, թե ինչպես ավելացնել ապրանք, փոխել գինը և տեսնել պատվերները։ Եթե ավելի հարմար է, կարող եք դա վստահել մեզ։
Կապվեք մեզ հետ
Զանգահարեք, գրեք մեզ կամ լրացրեք կարճ հարցաթերթիկը։ Դուք կստանաք հստակ հաջորդ քայլ, իսկ առաջին զրույցից հետո՝ գրավոր գնային առաջարկ։
Անիմացիան անջատված է, քանի որ ձեր համակարգը խնդրում է նվազագույն շարժում։